مين بيحب بلاده بقلبه
زى انا حبى لمصر كبير
مين افكاره وكل عواطفه
عايشه بتحلم بالتغيير
مين بيحبك حب معطر
عطر الورد البلدى اصيل
مين احلامه بدر منور
قام واتوضا بموج النيل
مين احلامه عشانك صعبه
المستقبل والاصلاح
وبااروحنا ورب الكعبه
لازم ليلك يبقى صباح
مين راح يفرد قلبه معايا
يبقى شراع لسفينة خير
تجرى فى بحر الصعب حكايه
ويغنيها الناس والطير
ياللى بتحلم بالحريه
الحريه مش بس كلام
لو نتغير ميه الميه
ح تحقق فينا الاخلام
مين ح يحب بلاده بقلبه
زى انا حبى لمصر كبير